Starstruck: Kris Bernal

Isa sa may pinakamagandang mukha na kabilang sa Starstruck Top 20 ay si Kris Bernal. Bata pa ay gusto na niyang mag-artista kaya sumali sa StarStruck. Seventeen years old ang dalagita at taga-Commonwealth sa Quezon City. Ang kanyang ina ang naghikayat sa kanyang sumali dito dahil naniniwala siyang may potensyal ang anak sa pag-arte.

First year sa Trinity College ang dalagita at kumukuha ng nursing. Kinikilig si Kris kapag nakikita si Richard Gutierrez dahil idolo niya ito at mahilig siya sa mestiso. Wish niya na sana’y makasama niya ito sa TV show balang araw o kahit sa pelikula.

Nang tanungin kung ano ang hindi niya makakalimutan sa pagsali sa StarStruck, sinabi niyang "Iniyakan ko po nang pagupitan ako para raw po magkaroon ng new look. Apat na taon ko pong pinahaba ang buhok ko. Talaga pong iyak ako nang iyak nang dumating sa bahay. Pero marami naman ang nagsabi na bumagay ito sa akin," sey ni Kris.

Sa kabilang banda, itinutukso si Kris kay Jesi Corcuera na umaming lesbyana. Ano ang reaksiyon niya rito?

"Magkaibigan lang po kami. Kasi po one time nakita ko siyang walang kausap sa aming mga kasamahan kaya nilapitan ko siya," sabi ni Kris. LInk is here.