Dennis Trillo, excited sa anak

Nakausap namin ang manager ni Dennis Trillo na si Popoy Caritativo at nangako itong magsasalita na si Dennis para aminin ang anak na iniluwal ni Carlene Aguilar sa Amerika.

Nilinaw ni Popoy na noon pa man ay wala raw balak si Dennis na itanggi ang pagbubuntis ni Carlene kaya lang, mismong ang huli raw ang humiling na tahimik na lang.

Umalis si Carlene pa-Amerika at piniling doon na siya manganak dahil mas gusto niyang tahimik na para hindi na mapag-usapan.

Nang umalis si Carlene ay break na raw sila ni Dennis. Iyun nga lang, buntis na pala si Carlene.

Hindi pa rin natahimik si Carlene dahil nagkasalubong sila ni Lhar Santiago sa Amerika at doon nakumpirmang buntis ito.

Sa kanilang pag-uusap, sinabi ni Carlene na hindi si Dennis ang ama kundi isang negosyanteng Intsik daw.

"Si Carlene na mismo ang nag-deny kaya ano naman ang gagawin ni Dennis?" pahayag ni Popoy bilang pagtatanggol sa kanyang alaga.

Kaya consistent na rin si Dennis sa pagtanggi para mapagbigyan ang kahilingan ni Carlene na huwag nang palakihin ang isyu.

Hindi na pinaamin si Dennis para tahimik na raw sana.

Ngunit naglabasan na ngayon at hindi naman daw maatim ni Dennis na itanggi pa rin dahil excited na raw siya sa kanyang anak.

Kahit daw ang mga magulang ni Dennis ay excited na rin sa kanilang bagong apo.

Magsasalita na raw si Dennis para aminin ang anak ni Carlene, pero siguro’y mas mabuting aminin na rin muna ng aktor ang relasyon nila ng beauty queen dahil noon pa man ay never niya itong inamin. [source of news]