Rufa Mae Quinto, no rest from work

KAHIT malaki na ang assets at marami nang naipundar si Rufa Mae Quinto, hindi pa rin daw ito dahilan para tumigil siya sa pagtatrabaho at magpahinga na.

Marami pa rin daw siyang gustong bilhin at ma-achieve sa buhay.

“Nasa labas din naman lahat ang pera ko, eh. Nasa lupa, nasa alahas. Gusto ko pang magtayo ng iba pang business,” aniya.

Marami-rami na ring negosyo si Rufa Mae. Mayroon na siyang travel agency, salon at ito ngang bagong tatag na On-Cue 28 Productions.

“’Yung travel agency ko kasi, ang kuya ko ang nag-aasikaso. ’Yung salon naman, ang tito ko. So, ngayon, ito na lang On-Cue ang aasikasuhin ko,” say ng sexy comedienne.

Very memorable kay P-Chi ang kanyang produksyon dahil ito ang dahilan kung bakit sila nagkaroon ng relasyon ni Erik Santos.

“Nag-umpisa akong mag-produce lang ng concert, ’yun ngang sa amin ni Erik, When Erik Met Rufa. Du’n kami nagka-develop-an ni Erik,” kuwento ni Rufa Mae.

Hanggang sa luminya na nga siya sa pelikula, ito ngang Apat Dapat, Dapat Apat, kasosyo naman ang Viva Films, na naging very successful kaya naengganyo siyang mag-produce ulit.

Gayunpaman, aniya’y hindi pa siya ready na maging solo producer at makikipag-co-prod pa rin siya sa Viva.

“Okay na ’to muna,” she said. [source of news]