Marian Rivera 'di magpapahalik kay Mark Anthony

To date, maituturing na pinaka-impressive na produksiyon ng GMA7 ang Darna. Bukod sa napakarami ng artistang kasama na ayon sa isang executive ng Siete ay pangalawa siguro sa That’s Entertainment sa rami.

Oo nga pero si Marian Rivera lamang ang maituturing na major character, sila ni Narda, sa kuwento tungkol sa isang bato na maaaring magmula ang katapusan ng daigdig kung mapapasakamay sa puwersa ng kasamaan, pero marami pa ring ibang characters na magbibigay ng kulay sa kanyang buhay, mga mabubuti at masasamang tao na tutulong at pipigil sa kanya para iligtas ang sangkatauhan.

Bagaman at isa nang klasiko ang kasaysayan ni Darna, kumuha pa ang GMA 7 ng mga magagaling na manunulat para bigyan ng makabagong kuwento ang lumilipad na bayani. Pero kahit moderno ang panibagong kuwento, pangangalagaan pa rin ang mayamang tradisyon ng Pinay superhero.

* * *

Pinaka-bago sigurong villain sa Darna si Liberty, kasa­ma sa isang grupo ng sindikato, walang super powers pero mahusay sa taekwondo.

Ginagampanan siya ni Krissa Mae Arrieta, 2007’s Miss USA Philippines California, isinilang at lu­maki sa Amerika mula sa isang amang Amerikano at inang Pilipina pero, lumaki sa tradisyong Pilipino, ma­tatas magsalita ng Tagalog at magalang sa mga naka­tatanda.

Si Lhar Santiago ng GMA 7 ang nakakita sa kanya sa US at kinumbinse siyang pumunta ng Pili­pi­nas at sumubok sa local showbiz. Hindi lamang siya maganda, bukod sa taekwondo, magaling din siya sa Latin ballroom dancing, jazz, ballet, tap at hiphop. Tumutugtog din siya ng piano at dating nakiki­pag­laban sa tennis. Nag-leave of absence siya sa kanyang iskwela sa UC San Diego pero, mababalikan niya ang kanyang pag-aaral anytime na gustuhin niya.

Una siyang nakita sa Gobingo. Itinuturing niyang malaking break ‘yung pagkakakuha sa kanya para makasama sa Darna na kung saan magagamit niya ang kaalaman niya sa taekwondo.

* * *

Sinabi naman ni Marian Rivera na wala silang kissing scene ni Mark Anthony Fernandez sa serye. Kay Iwa Moto magkakaroon ng ganitong eksena ang aktor bagaman at kay Narda ito iibig. Babalikan pa nga niya ang kababata sa ampunan na kung saan sila ay magkasamang lumaki.

Hinahangaan niya si Mark dahil marunong itong rumespeto sa kanya bilang leading man.

Nanghihinayang si Marian dahil sa sobrang kaa­balahan niya ay hindi na siya nakakapag-gym. Kai­langang-kailangan pa naman niya ito para mamintina ang maganda niyang pangangatawan na siguradong hahangaan ng lahat ng manonood ng Darna. Wala siyang excess fat, maliit ang kanyang waist at fit ang costume niya.

[via]