Marian Rivera ‘di makalimutan ang pagkakasakit sa abroad

HINDI malilimutan ni Marian Rivera nu’ng nasa Toronto, Canada sila nina Dingdong Dantes at magdyowang Ogie Alcasid, Regine Velasquez, ang “matamis na karanasan sa pagkaka-sakit.”

Nagkasipon siya, inubo at nagka-fever. Siyempre, ang nag-alala nang husto ay si Dingdong. Grabeng asikaso ang ibinigay ni Dong kay Marian.

Hindi na nga natutulog ang aktor sa gabi sa pagbabantay kay Marian kaya in the end, si Dingdong naman ang nagkasakit.

Habang nasa San Francisco, USA naman ang grupo, nadale naman ng sipon, ubo at slight fever si Regine Velasquez.

Si Ogie naman ang nag-asikaso at labis na nag-alala para sa nobya.

Kaya noong nasa Los Angeles, California na ang grupo, si Ogie naman ang dinapuan ng sipon, ubo at fever.

Pero fully-recovered na si Marian nang umuwi sa Pilipinas kaya may panahon na siya para makapagpagpahinga.

Agad na rin siyang sasalang sa taping ng balik-tambalan nila sa TV ni Dingdong na local version ng Endless Love, na mapapanood na sa June 28.

“Lahat ng soaps ko ay mahihirap magmula sa Dyesebel, Marimar at Darna. Pero iba ang Endless Love, madugo talaga ang mga eksena rito dahil mabigat na drama. Kaila-ngan ay laging naka-focus sa character ang emosyon ko kasi maraming iyakan dito.”

[via]